Mae menter newydd sy’n cydnabod gwirfoddolwyr niferus Arberth yn dechrau ennyn cefnogaeth.

Bydd Cawl Cymunedol mawr yn cael ei weini am ddim yn Neuadd y Frenhines ddydd Mercher yma (6 Tachwedd) i lansio Banc Amser swyddogol Arberth.

Bydd Neuadd y Frenhines, PAVS, Banc Bwyd Sir Benfro, ac Oergell Gymunedol Arberth yn dod ynghyd ar gyfer y digwyddiad.

Cynllun cymunedol rhad ac am ddim yw Banc Amser Arberth, ac rydych yn cyfrannu trwy ddefnyddio amser yn hytrach nac arian.

Am bob awr y mae person yn ei roi i weithgaredd bancio amser – fel helpu cymydog neu ddysgu pobl sut i wau – byddant yn derbyn un credyd amser.

Yna, cewch gyfnewid y credydau am amrywiaeth o weithgareddau cymdeithasol a hamdden.

Bydd y cawl – a fydd ar gael o 1pm ddydd Mercher – yn cael ei goginio gan ddefnyddio bwyd dros ben o’r ardal leol.

Bydd gan fudiadau gwirfoddol yr ardal stondinau yn Neuadd y Frenhines hefyd er mwyn dangos yr hyn y maent yn ei wneud.

Os oes unrhyw un yn awyddus i gynnal stondin, yn awchu am bowlenaid o gawl, neu eisiau dysgu mwy am Fanc Amser Arberth – i’w hunain neu a ran pobl yn eu sefydliad