Cynhelir Ffair Swyddi Sir Benfro yn y Pafiliwn, Maes Sioe Llwynhelyg, Hwlffordd ddydd Mercher 30 Ionawr! Dyma eich cyfle i weld busnesau llwyddiannus Sir Benfro yn arddangos y swyddi sydd ar gael ganddynt.

Pam y dylwn i fynd?

Dyma eich cyfle i gwrdd â chyflogwyr sy’n dymuno recriwtio unigolion tebyg i chi.

Ewch i siarad â’u cynrychiolwyr a chael blas ar sut beth fyddai gweithio gyda nhw, ynghyd â chael cyngor ar eich ceisiadau ac atebion i gwestiynau nad yw eu gwefannau yn ymdrin â nhw.

Dim byd at eich dant? Peidiwch â’ch diystyru eich hun – mae llawer o gyflogwyr yn y ffair yn croesawu ceisiadau gan unigolion o amryw o gefndiroedd gwahanol.

Mae’r digwyddiad hwn yn agored i bawb, ni waeth ar ba gyfnod y byddwch yn eich gyrfa – efallai y bydd gennych yrfa sefydledig yn barod a’ch bod yn chwilio am rywbeth newydd, neu efallai y byddwch yn chwilio am yrfa i ddechrau ar eich bywyd gwaith – mae yna lawer o ddewisiadau i bawb!

Pwy fydd yno?

Gweithffyrdd+: Bydd tîm Gweithffyrdd+ Sir Benfro, a gefnogir gan Gronfa Gymdeithasol Ewrop trwy Lywodraeth Cymru, wrth law i gynnig cyngor ar hyfforddiant, cyfleoedd ar gyfer profiad gwaith am dâl, a chymorth ar gyfer unigolion sy’n ddi-waith yn yr hirdymor.

YNGHYD Â: Cwmni Coastal Cottages, Activity Wales Events, Futureworks, Cyngor Sir Penfro, Pembrokeshire Care Ltd, Fferm Ffoli, Parc Antur Oakwood, Gwesty Tŵr y Felin, Hyfforddiant Providence, Glannau Aberdaugleddau, Puffin Produce, a llawer mwy!