Bydd barbwr yn Hwlffordd yn cynnig gwasanaethau torri gwallt sy’n addas i blant ag awtistiaeth er mwyn cefnogi diwrnod ymwybyddiaeth cenedlaethol.

Bydd Freestyle Barbers, Portfield yn cymryd rhan yn Awr Awtistiaeth Cymdeithas Genedlaethol Awtistiaeth drwy gydol wythnos gyntaf mis Hydref, ymgyrch y mae busnesau ledled y DU wedi cofrestru ar ei chyfer.

Mae hyn yn cynnwys nifer o bethau o gymharu â’r profiad arferol o fynd at y barbwr. Bydd y barbwyr yn cymryd camau syml i sicrhau bod y plant yn teimlo’n gyfforddus yn y siop, megis gostwng y golau, a throi’r radio i ffwrdd.