Mae gweithwyr ieuenctid a phobl ifanc Sir Benfro wedi cael profiadau gwerthfawr ar ôl iddynt fynychu’r cynllun a ariennir gan yr Undeb Ewropeaidd yn Yr Eidal.

Nod prosiect Erasmus+ “We Can Make It Work” yw cynorthwyo pobl ifanc i gael swydd, p’un a oes ganddynt anabledd a/neu broblemau i’w goresgyn.

Mae’r prosiect yn cynnwys cynrychiolwyr o Ieuenctid Sir Benfro a grwpiau o bobl ifanc o’r Eidal, Hwngari, Lithwania, Latfia, Sbaen a Chymru.

Bydd cyfranogwyr o Sir Benfro yn cymryd rhan mewn amrywiaeth o weithdai o gael swydd i sgiliau bywyd, ac yn gweithio mewn grwpiau ochr yn ochr â phobl ifanc o wledydd eraill i lunio cynllun busnes.

Mae’r gweithgareddau’n canolbwyntio ar sgiliau rhyngbersonol ac ymweld â safleoedd o ddiddordeb i ddatblygu sgiliau yn barod ar gyfer gwaith. Bu’r grŵp yn dysgu sut i ddefnyddio eitemau wedi’u hailgylchu i greu cynhyrchion i’w gwerthu mewn ysgol gelf.